هذا العراقي

كلمات عراقي يعتذر لحبيبتة "

ما اكدر اخدعج و ابقى وياج
لأن فرق السما البيني و بينج
...
انت بديرة ما مرها الحزن و آلاه
و اني بديرة غربة و مظلمة سنيني
...
ما اكدر اوعدج بالذي ترديه
ليش اجذب عليج ارجوج تنسيني
...
عسر الحال دمر حتى فرح دنياي
و ركض جبت العمر من دون كل جيلي
...
اشلون انطيج كلمه و اني مرهون
رهن حكم القدر و القهر لاويني
...
دنياي عبارة عن جمع حسرااات
حسره تذل حسره بآه تاذيني
...
اريد ابعد لأن حالي صعب فد نوب
تفلش دار قلبي و كل حياطيني
...
يا طير الحب شجابك عاشرت الغراب
وج حتى البوم حن اليوم ينعيني
...
وج دمعي نهر حتى الفرات اسكيه
و دجله تفيض كل مره بدمع عيني
...
فلاح زرعت النخل من جاري هاي العين
و انا ذاك الشجي الحركوا بساتيني
...
اشتانين مني و انا كومة ارماد
عطر دخان صاير من تشميني
...
مو انت ورد اشجاب الورد للشوك
و انا عاكول صاير لو تكطفيني
...
و حك ربي احبج لاجن ارجوج
دينج ما يوالم بالهوى الديني
...
لأن انا بوطن يوميه اخ مذبوح
يوميه فجيعه ابكلبي تجويني
...
ما عندي مجال اصفن و لو لحظات
من اصفن تكص بيه سجاجيني
...
لأن عدنه اليصفن يصفه مقتول
و لا جن اليموت اسلام .. جن صيني
...
كلها اتذبح بولد النشامه اليوم
ذبح اخواني ذبح الشات ياذيني
...
و بعد هذا ممكن تعذري ابعادي
اشوكت افرغ و احب اشوكت فهميني