المسلم والمسيحيه

المسلم.......................
شديني بصليبج مره وانسيني
ومن تنخين عيسى والله تلكيني

احلفج بالكلاده لاتنــــــزعيهه
وعلى كلبج انام الليل خلينـــي

احسبيني طفل بردان احسبيني
وبشعرج يحلوه انتي التغطينــي

شديني بصليبج يامسيـحيه
وبشمع الكنايس انتي شعليني

جنت بالدير شمعه اضوي بانواري
وتدرين الكنيسه ضلمه من دوني

على مودج شربت الكاس ياحلوه
ولجلج مو لجل واحد عفت ديني

وعفت ثوبك يقيس ابحسرة اهمومي
ونسيت العامريه انتي ونسيتيني

على ديارج اطير امتيه وعطشان
رحت انتظر جفج يجي ويزكيني

ولون موتي حظر اكتبلج اوصيه
شديني بصليبج مره وانســــيني




واجابته المسيحية:


يامســـــــــلم عجيبه نيتك نيه
تعوف اسلام وتحبلك مسيحيه

لجن شفت العشك مربوط بالفطره
مامحـــــــــدود بأديانن سماويه

لاقران لاتورات لاانــــــــجيل ولارب
العرش ارسل رسول ويسر معانيه

العشك يامسلم اتمثل بنسمة ريح
والمحبه تشبه نسمة ريح شاميه

ابمواعيد وكلب مشتاك واقلام
الشعر تنظم سوالف سمر شتويه

شمحلاه العشك بالسنتر شمحلاه
وشمحلى التمثال لونكعد ابفيه

وهجر ديني لجلك وادخل بدينك
واسد باب التــــــــقاليد البدائيه

ولساني امرته يردد التوحيد
وأشهد طه النبي سيد البريه

ولحضرة علي اتعنيت يامسلم
وكدامه اشهدتله انه مو مسيحية