ابوذيات ان شاء الله حلوااات

عراقية والنعم منهه وسمـــــــــــــــــهه
شالت هم الـــــــــــــــوطن فوگ همهه
بنات البلد لؤلؤ وعقد مرجــــــــــــــان
احتار القلم شيكتــــــــــــــــــــبلي عنهه
____________________
تره المكتوب يسمر موبدينه
وعليكم دمع صافي موبدينه
تكول احنه انتهينه موبدينه
ونهايتنه غفل صارت سويه
______________
علي كالو شمالك بستغني
من الموال بسك بسته غني
كافي بعد اسكت بس تغني
انه انجنيت مايدرون بيه
_______________

يروحي بطلي المعاشر وعودي
سباني ونحل اعظامي وعودي
اني الماخنت مرة وعودي
عجب ليش الحبيب يخون بيه
________________
احبه وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بيه
_______________
التفت ليه بسهم عينه رماني
متت جن من جبل عالي رماني
حلو وفوك القهر لابس رماني
شفته وطحنه انه وروحي سويه
_________________
ثلثين اللك بالكلب
> ومن الثلث ثلثين
> وباقيلي بس الثلث
> هم بيه الك ثلثين
______________
ربك لليريده باب هدلــــــه
وانه دشداشتي امن الزيج هدله
الجلب لو شاف اخوه انوله هدله
وانه اخواني اصبحوا عدوان ليه
________________
اخوك الحضر بمصابك ونخواك
وكلك هذا انه دونك وانه اخواك
عدوك لو حجه وكلك وين اخواك
شتريد اتكول يالمالك خويه
_________________
بهجرك صفه بيتي دار ميات
وعندي من القصر والدار ميات
حبيبي شكثر ادزلك دارميات
ماشفت منك غير ابوذيه
_____________
قدر مكتوب حبك وانت قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو مسوية بيه
________________
اكوم اجلالاً لحسنك واقف لك
واسجل كلبي يا خلي وقف لك
وحطك بيه واقفلنه وقفلك
وطب بصدري واقفلكم عليه

_____________
عسل وبحلگي وكتي مر جعلكم
ومرجعكم الگلبي ومرجـعلكم
چنت أية بهواكم مرجـعلكـم
خذيتو منين فتوه وخنتو بيه
______________
اشو كلبك تغير وك علينا
ترة الله العالي لا تعلى علينا
وحك عباس وحسين وعلينا
نهدك لو صرت بعلوا الثرية
______________
يلطبعك ورد منحيط وصفة
انقة من العسل ياناس واصفة
لجروح الكلب والروح وصفة
وعزيز وطيب وغالي علية
_____________
تعلمنه ونشدنه من علمنه
وصفينه حجار ونشد من علمنه
نشيل الله واكبر من علمنه
ونحط الله كريم وهاي
_____________
صب دمعي على الوجنات ياهل
أوماتدرون بيا اشصـــار ياهل
صرت عصفور جني وبيـد ياهل
أهـو يـلعب وانـا اشــنون بيه
_____________
يدنيا وياي كافي ظلم بس عاد
اريد اني اعيش بيوم باسعاد
حرام اني اكظي الليل بس عد
نجوم وشوفتك حسره عليه

______________
ينور النور حسنج طش علا الدار
ومن فضلج حبيبي هم علي در
نخيت تصير لي من الله وعلي الدر
وكرم سيد البشر يهديج اليه
________________
صباح الخير يالغالي ونوره
وجهج شعت اقماره ونوره
لابوسي تجي بحسنج ونوره
ينور النور حسنج طش عليه
_______________